Irreġistra

Biex taċċessa l-User Area tal-EUIPO, jeħtieġ li tirreġistra d-dettalji tiegħek. Klikkja fuq 'Irreġistra' fil-kantuniera fuq in-naħa tal-lemin tal-iskrin tiegħek biex tibda u mbagħad segwi l-istruzzjonijiet.

• Għaliex irrid nirreġistra?

  Il-kont tal-EUIPO tiegħek jippermettilek taċċessa firxa ta' servizzi online li mhumiex disponibbli għal utenti mhux reġistrati. Dawn il-vantaġġi jinkludu l-għażla li jinħolqu twissijiet u sottoprofili.

  Uħud mis-servizzi, bħal tranżazzjonijiet finanzjarji, jeħtieġu s-sottomissjoni ta' dettalji personali. Il-fatt li l-utent jilloggja jipprovdih bi protokolli siguri għad-data maħżuna tiegħu.

  Trid ukoll tilloggja biex tniżżel dokumenti minn fajl partikolari.

• Għamilt applikazzjoni mal-EUIPO qabel?

  L-utenti li diġà ppreżentaw applikazzjoni mal-Uffiċċju tal-Proprjetà Intellettwali tal-Unjoni Ewropea (EUIPO) ngħataw numru ID. Huwa importanti li tinkludi din l-ID meta tirreġistra għall-ewwel darba sabiex il-fajls kollha marbuta ma' dan in-numru jidhru fid-dashboard tal-User Area l-ġdid tiegħek.

• Dettalji tal-utent

  Hemm żewġ tipi ta' utenti, 'Kumpanija jew Individwu' u 'Rappreżentant'. Jekk ma tidħolx f'dawn iż-żewġ kategoriji proposti, jekk jogħġbok agħżel 'Kumpanija jew individwu'. Dan jippermettilek aċċess komplut għall-funzjonalitajiet kollha fil-User Area.

• Attivazzjoni tal-kont
  1. Jekk issottomettejt applikazzjoni mal-EUIPO fil-passat, u għandek numru ta’ identifikazzjoni (ID), imbgħad:
     1. jekk ipprovdejt indirizz elettroniku: il messaġġ bil-kodiċi ta’ attivazzjoni jintbagħat lill-indirizz elettroniku li pprovdejt meta kien ħareġ in-numru tal-ID tal-EUIPO tiegħek għall-ewwel darba;
     2. jekk inti ma pprovdejtx indirizz elettroniku: ibgħatilna ittra bil-posta bl-indirizz elettroniku tiegħek sabiex meta d-data tkun aġġornata tkun tista’ toħloq il-kont tiegħek.
  2. Jekk inti qatt ma ssottomettejt applikazzjoni mal-EUIPO fil-passat, għandek bżonn tipprovdi indirizz elettroniku fejn tirċievi l-kodiċi ta’ attivazzjoni tiegħek meta tirreġistra.
     
     Ladarba timla l-oqsma kollha mitluba tal-formola, inti tirċievi email bil-kodiċi ta’ attivazzjoni. Segwi l-istruzzjonijiet biex ittemm il-proċess ta’ attivazzjoni u lloggja fil-User Area tal-EUIPO tiegħek.
     
     Ladarba jinħoloq il-kont, u biss wara tissottometti, pereżempju, applikazzjoni tat-trademark tal-UE (EUTM), jew applikazzjoni ta’ disinn Komunitarju (RCD), jew oppożizzjoni, jew ħatra ta’ rappreżentant, il-EUIPO joħroġlok numru ta’ identifikazzjoni (ID).
• Informazzjoni addizzjonali

  Isem l-utent

  L-isem tal-utent irid ikun bejn 8 u 20 karattru, li jkun fihom karattri mill-alfabett Ruman (a-z). Irid ikollha tal-inqas ċifra numerika waħda (0-9).

  Indirizz tal-email

  It-twissijiet tal-komunikazzjonijiet tal-EUIPO (jekk tagħżel l-opzjoni li tirċievi l-komunikazzjonijiet permezz tal-User Area) se jintbagħtu f’dan l-indirizz. It-twissija b'email tintbagħat biss għal skopijiet ta' informazzjoni u ma tikkostitwixxix notifika uffiċjali mill-Uffiċċju. Għandek tiċċekkja b’mod regolari l-mailbox tal-Komunikazzjoni tal-User Area tiegħek għal notifiki ġodda mill-Uffiċċju.

  Il-Password policy

  Il-password irid ikollha minimu ta’ 8 karattri mill-alfabett Ruman. Irid ikollha minn tal-inqas numru wieħed (0-9). Trid tkun differenti mill-isem tal-utent tiegħek. Tużax tliet karattri repetuti (eż. aaa, 111), sekwenzi (eż. 123, abc) jew karattri speċjali (eż. #, *). Eżempji ta’ passwords aċċettabbli: ThinkOn1980Phrases, About2Pass2Me, safe1Should2Be3.

  Metodu ta' komunikazzjoni

  Nirrakkomandawlek ħafna li tagħżel l-opzjoni li tirċievi l-korrispondenza b'mod elettroniku. Jekk tagħmel dan, jekk jogħġbok kun af li l-komunikazzjonijiet kollha tal-Uffiċċju se jintbagħtu fil-User Area tiegħek. Jekk għażilt l-opzjoni li tirċievi twissija fl-indirizz tal-email tiegħek, kun af li t-twissija b’email tintbagħat biss għal skopijiet ta' informazzjoni u ma tikkostitwixxix notifika uffiċjali mill-Uffiċċju (EX-20-9). Iċċekkja b’mod regolari l-mailbox tal-Komunikazzjoni tal-User Area tiegħek għal notifiki ġodda mill-Uffiċċju (Kundizzjonijiet tal-użu tal-User Area).

  Assoċjazzjoni

  Jekk qed tirreġistra kont għal assoċjazzjoni jew rappreżentanti, l-informazzjoni kollha relatata dwar l-assoċjazzjoni għandha tkun inkluża fil-formola ta' reġistrazzjoni. Tista' tagħmel bidliet lid-dettalji tal-assoċjazzjoni tiegħek fit- Taqsima għażliet tal-User Area tiegħek.

  Forma legali

  Jekk qed tirreġistra għal kont għal kumpanija u teħtieġ li l-forma legali (Ltd, Plc, eċċ.) tidher fil-pubblikazzjonijiet uffiċjali, trid tinkludi din l-informazzjoni fil-qasam tal-'Isem tal-kumpanija' kif ukoll fil-qasam tal-'Forma legali'.

  Daqs tal-kumpanija

  Għal aktar informazzjoni dwar id-‘Daqs tal-kumpanija’ jekk jogħġbok żur link.

  Settur tal-attività

  Għal aktar informazzjoni dwar is-‘Settur tal-attività’ jekk jogħġbok żur link.

  Konnessjoni ekonomika

  Jekk qed tirreġistra għal kont għal 'Rappreżentant tal-Impjegati' se ssib kaxxa rilevanti bl-isem 'Konnessjoni ekonomika'. Jekk inti impjegat direttament mill-applikant, tagħżilx din il-kaxxa, ikun biżżejjed jekk tagħti ismek u kunjomok. Madankollu, jekk taħdem f'kumpanija li hi stabbilita b'mod reali u effettiv fl-Unjoni Ewropea (UE) li għandha konnessjonijiet ekonomiċi ma' applikant li mhuwiex ibbażat fl-UE, se jkollok bżonn tagħżel din l-opzjoni u tagħti informazzjoni dwar il-konnessjonijiet ekonomiċi tiegħek u l-isem tal-kumpanija rilevanti.