Appell
Min jista᾽ jressaq appell?
Kull min huwa affettwat ħażin minn deċiżjoni jista᾽ jressaq appell.
Appell għal deċiżjoni relatata ma᾽ trademark jiswa EUR 720 u appell għal deċiżjoni relatata ma᾽ disinn jiswa EUR 800.
Żmien limitat u forma ta᾽ appell
Trid issir distinzjoni bejn l-Avviż tal-appell u d-Dikjarazzjoni ta᾽ Raġunijiet. Ikklikkja fuq il-kaxxi testwali ta᾽ hawn taħt biex issib iktar informazzjoni.
-
Avviż ta’ deċiżjoni kkontestata
-
Xahrejn (2)
-
4 xhur
L-Avviż ta’ appell
Wara li d-deċiżjoni kkontestata tkun ġiet notifikata, għandek xahrejn biex tippreżenta l-avviż ta’ appell. Barra minn hekk, it-tariffa tal-appell trid titħallas u tiġi riċevuta mill-Uffiċċju fi żmien dak il-limitu ta᾽ żmien ta᾽ xahrejn. Bħall-proċeduri oħra quddiem l-Uffiċċju tal-Proprjetà Intellettwali tal-Unjoni Ewropea (EUIPO), jekk tixtieq tressaq appell, nirrakkomandawlek tuża l-għodda online eAppeal li tgħinek tevita żbalji, li jistgħu jirriżultaw fl-inammissibbiltà tal-appell.
Sir af aktar dwar eAppeal hawnhekk.
Id-Dikjarazzjoni tar-Raġunijiet
Id-dikjarazzjoni tar-raġunijiet għandha tesponi r-raġunijiet tal-appell, bil-fatti u skont il-liġi, li l-appellant jixtieq iressaq fl-appell tiegħu. Id-dikjarazzjoni tista᾽ tiġi ppreżentata jew mal-avviż tal-appell jew b᾽mod separat fi żmien erba᾽ xhur wara n-notifika tad-deċiżjoni kkontestata.
Kemm l-avviż tal-appell u d-dikjarazzjoni ta’ raġunijiet iridu jitressqu bil-miktub u jridu jkunu fil-lingwa ta᾽ proċedura jew fil-lingwa li biha tkun ittieħdet id-deċiżjoni soġġetta għal appell. Dawn jistgħu jintbagħtu jew b᾽mezz elettroniku, bil-posta normali jew b᾽servizz ta᾽ kurrier.
Reviżjoni tal-Ewwel Istanza
Meta tasal id-Dikjarazzjoni ta’ Raġunijiet, ir-Reġistratur tal-Bordijiet jissottometti l-Appell (Avviż tal-Appell u Dikjarazzjoni ta’ Raġunijiet) fl-ewwel istanza. F᾽każijiet ex-parte, jiġifieri każijiet li jinvolvu parti waħda biss, id-dipartiment li jkollu d-deċiżjoni kkontestata jikkoreġi d-deċiżjoni tiegħu jekk jikkonsidra li l-appell huwa aċċettabbli u għandu bażi tajba; jekk ma jikkonsidrax li l-appell huwa aċċettabbli u għandu bażi tajba, il-każ jintbagħat lura għand il-Bordijiet tal-Appell.
Wara d-dħul fis-seħħ tar-regolament tat-trademark tal-UE, ir-reviżjoni interlokutorja ma għadhiex issir f᾽każijiet inter partes.
Każijiet Ex-Parte
Meta r-reviżjoni interlokutorja ssir f᾽każ ex-parte, il-fajl jiġi sottomess minnufih lill-President tal-Bord kompetenti u jaħtar rapporteur.
Każijiet Inter-Parte
F᾽każijiet inter-partes hemm proċedura ftit differenti. Skont ir-Regoli ta᾽ Proċedura tal-Bordijiet tal-Appell, wara li d-dikjarazzjoni tar-raġunijiet ikunu ġew riċevuti, ir-rispondent ikun jista᾽ jressaq l-osservazzjonijiet tiegħu. Wara li titressaq tweġiba, il-Bord jista᾽ jawtorizza aktar sottomissjonijiet mill-partijiet (tweġiba/stqarrija ulterjuri).
Wara l-parti bil-miktub tal-proċeduri, il-fajl jiġi sottomess lill-President tal-Bord kompetenti, u dan jaħtar rapporteur.
Fiż-żewġ tipi ta᾽ proċeduri, jekk ir-rapporteur jikkonsidra li huwa xieraq, huwa jew hija jistgħu jikkuntattjaw il-parti/jiet biex ikunu ċċarati kwalunkwe mistoqsijiet dwar l-appell. Inkella, tiġi abbozzata deċiżjoni u ddeliberata mill-Bord. Ladarba l-Bordijiet tal-Appell ikun ħa deċiżjoni, din tiġi notifikata lill-partijiet.
Qorti Ġenerali
Id-deċiżjonijiet tal-Bordijiet jistgħu jkunu suġġetti għal appell, fi żmien xahrejn min-notifika tad-deċiżjoni, quddiem il-Qorti Ġenerali. Ir-raġunijiet għal tali appelli huma stipulati f᾽Artikolu 72(2) tar-regolament tat-trademark tal-Unjoni Ewropea u Artikolu 61(2) tar-regolament ta᾽ disinn Komunitarju rreġistrat.
Is-sentenzi kollha tal-Qorti Ġenerali jistgħu jiġu appellati quddiem il-Qorti tal-Ġustizzja tal-Unjoni Ewropea.