Opzjonijiet

It-Taqsima tal-opzjonijiet tal-User Area tippermettilek li tara u teditja d-data personali tiegħek u d-dettalji tal-login, tibdel is-settings u timmaniġġja s-sottoprofili tiegħek.

Ikklikkja fuq it-tab Opzjonijiet fuq in-naħa tax-xellug tal-menù tal-User Area tiegħek biex taċċessa din it-taqsima.

Iż-Żona tal-opzjonijiet hi rappreżentata minn ikona

Hemm erba' tabs fit-taqsima tal-Opzjonijiet tal-User Area.

• Dettalji tal-login

  Tista' tibdel l-email amministrattiva tiegħek u l-password tiegħek.

  L-email amministrattiva se tintuża biex tkun infurmat meta tirċievi komunikazzjonijiet ġodda jew meta tiġi attivata twissija ġdida. L-email amministrattiva tiegħek se tintuża wkoll għall-funzjonalità 'password minsija'.

  L-aħħar tliet logins li rnexxew u l-aħħar tliet tentattivi ta' logins li ma rnexxewx li huma relatati mal-kont tiegħek huma elenkati fuq in-naħa t'isfel tal-paġna.

  Irrapporta attività suspettuża
  Jekk trid tirrapporta xi attività suspettuża, pereżempju tentattivi ta' login minn sors mhux magħruf, tista' tagħmel dan permezz tal-link fuq in-naħa t'isfel tal-paġna.

• Dettalji personali

  Tista' tibdel ismek u l-indirizz tiegħek, l-indirizz ta' korrispondenza u l-informazzjoni ta' kuntatt.

  Kwalunkwe bidla li tagħmel hawn se tapplika għall-proċedimenti EUTM/RCD kollha li qed isiru taħt l-istess numru tal-ID tal-EUIPO.

  Jekk timmodifika ismek u/jew l-indirizz tiegħek tattiva daħla fir-Reġistru (reġistrazzjoni) li tiġi pproċessata mill-EUIPO. Madankollu, jekk trid tirreġistra l-bidla ta' sjieda ta' trademark jew disinn partikolari, trid tissottometti talba biex tirreġistra trasferiment.

• Setings

  Il-Faks u l-Posta bħala metodi ta’ komunikazzjoni ma għadhomx disponibbli minn Marzu 2021. Dan ifisser li l-Uffiċċju se jibgħatlek biss komunikazzjonijiet permezz tal-User Area (Żona tal-Utent) tiegħek.

  Tista’ tagħżel li tirċievi notifika bl-email li waslet komunikazzjoni fil-User Area (Żona tal-Utent) tiegħek.

  Il-lingwa awtomatika biex tirċievi l-komunikazzjonijiet tista’ tinbidel permezz tal-lista li tinżel. Agħżel waħda mit-23 lingwa tal-UE. Madankollu, il-komunikazzjonijiet uffiċjali relatati ma’ fajl speċifiku se jintbagħtu bil-lingwa tal-proċedimenti li tikkorrispondi għal dak il-fajl.

• Sottoprofili

  Il-kont tal-User Area tal-EUIPO tiegħek jippermettilek taċċessa firxa ta' servizzi IP li mhumiex disponibbli għal utenti mhux reġistrati. Dawn il-vantaġġi jinkludu l-opzjoni ta' ħolqien ta' sottoprofili għall-impjegati tal-kumpanija jew membri ta' assoċjazzjoni. Is-sottoprofili li toħloq se jkollhom ċerti drittijiet ta' aċċess għall-informazzjoni maħżuna fil-User Area tiegħek.

  Biex iżżid sottoprofil ikklikkja fuq il-buttuna 'Żid sottoprofil' fuq in-naħa tal-lemin tat-tab 'Sottoprofili'. Tinfetaħ formola f'tieqa oħra; l-oqsma huma vojta b'mod awtomatiku.

  Il-formola turi l-opzjonijiet ta' aċċess għal kull utent ta' sottoprofil. L-opzjonijiet ta' aċċess huma ssettjati għal 'iva' awtomatikament. Tista' teditja sottoprofili billi tikklikkja fuq l-ikona tal-pinna fil-kolonna 'Editja'.