Dehra tal-fajl fid-dettall

Din id-dehra turi l-informazzjoni kollha disponibbli dwar trademark jew disinn partikolari, inkluża informazzjoni dwar sidien u rappreżentanti, prijorità u preċedenza, reġistrazzjonijiet, oppożizzjonijiet u tiġdid.

Tippermetti wkoll li l-utenti jagħmlu spezzjoni ta' fajls jew jitolbu rapport dwar trademarks simili.

• Informazzjoni ġenerali

  Biex tara riżultat ta' tiftix fid-dettall, ikklikkja fuq l-isem jew il-link '+info' tat-trademark/tad-disinn/tas-sid jew tar-rappreżentant li trid tara.

  

  Id-dehra fid-dettall tar-riżultati ta' tiftix turi informazzjoni għal trademark waħda jew disinn wieħed għal kull paġna.

  L-informazzjoni li tintwera fid-dehra fid-dettall tiddependi mill-komponenti attivi tal-applikazzjoni/tar-reġistrazzjoni u se tkun differenti skont jekk l-applikazzjoni/ir-reġistrazzjoni tkunx għal trademark jew għal disinn.

  L-intestaturi tal-informazzjoni kollha possibbli jintwerew b'mod awtomatiku iżda t-tabelli taħt kull intestatura jkunu mimlija biss jekk ikun hemm data disponibbli għal dik it-trademark jew id-disinn.

  Ara riżultat ta' tiftix differenti
  Jekk trid tmur fuq riżultat ta' tiftix ieħor tista' tuża l-ikoni tal-vleġeġ fuq in-naħa ta' fuq tal-paġna.

  

  Lura għar-riżultati ta' tiftix
  Biex tmur lura għar-riżultati ta' tiftix ikklikkja fuq il-link 'Lura għar-riżultati ta' tiftix' fuq in-naħa tax-xellug tal-ikoni tal-vleġeġ.

  Uri/aħbi l-informazzjoni murija
  Ikklikkja fuq l-ikoni tal-vleġeġ taħt il-buttuna 'Ipprintja' biex taħbi/turi l-informazzjoni murija fit-tabelli b'mod awtomatiku.

  

  Tista' wkoll turi jew taħbi kull element b'mod separat mill-buttuna fuq in-naħa tal-lemin tal-intestaturi.

  

  Biex tibdel is-sekwenza tad-dehra
  Biex tibdel is-sekwenza tad-dehra tal-elementi fid-dehra fid-dettall, ikklikkja u mexxi l-intestatura rilevanti f'pożizzjoni differenti. Din l-għażla tista' tkun utli biex tara u tipprintja.

  

  Madankollu, tajjeb li tkun taf, li jekk tħassar il-cookies jew jekk taċċessa s-sit web bl-użu ta' PC jew brawżer differenti, is-sezzjonijiet kollha jmorru lura għall-pożizzjoni awtomatika tagħhom.

  Issettja t-twissija
  Ikklikkja fuq il-buttuna 'Issettja twissija' biex toħloq twissija.

  

  Ipprintja
  Ikklikkja fuq il-buttuna 'Ipprintja' biex tipprintja d-dettalji murija. Tajjeb li tkun taf li tiġi pprintjata biss l-informazzjoni murija, mhux dik moħbija.

• Kopji ċċertifikati

  Ikklikkja fuq il-buttuna 'Ċertifikat' biex titlob kopji ċċertifikati tal-formola ta' applikazzjoni u/jew iċ-ċertifikat ta' reġistrazzjoni. ( N.B.: Trid tkun illoggjat biex tagħmel dan.) Din l-opzjoni hija disponibbli fil-każijiet li ġejjin:

  • Meta l-applikazzjoni tkun diġà ġiet ippubblikata.
  • Fil-każ ta' applikazzjoni ta' trademark tal-UE, fejn it-trademark tkun saret applikazzjoni għaliha sa mill-01/01/2008.
  • Fil-każ ta' ċertifikat ta' reġistrazzjoni ta' trademark tal-UE, fejn iċ-ċertifikat ta' reġistrazzjoni jkun inħareġ sa mill-01/01/2001;
  • Għal kopji ċċertifikati ta' ċertifikat ta' reġistrazzjoni ta' RCD.
• Skeda ta’ żmien

  L-iskeda ta' żmien hija rappreżentazzjoni viżiva tal-proċess ta' applikazzjoni u/jew reġistrazzjoni għal trademark jew disinn. L-istatuses differenti u d-dati relatati tagħhom jintwerew f'ordni kronoloġiku flimkien mal-iskeda ta' żmien. L-iskedi ta' żmien huma pprovduti għal trademark tal-UE, RCD u proċeduri ta' oppożizzjoni.

  Jekk m'għandekx aċċess għal din l-informazzjoni, jintwera messaġġ li jaqra 'informazzjoni ristretta'.

  Jekk id-data ma tintweriex b'mod korrett, jitla’ messaġġ li jaqra 'mhux disponibbli'. Ma għandekx għalfejn tikkuntattja lill-EUIPO dwar dan peress li l-amministratur tas-sit web ikun notifikat b'dan b'mod awtomatiku.

• Azzjonijiet u komunikazzjonijiet

  Din it-taqsima tipprovdilek l-għodda biex tikkomunika b'mod elettroniku mal-EUIPO dwar il-fajl magħżul. L-istatus u/jew it-tip ta' applikazzjoni/reġistrazzjoni jiddettaw liema opzjonijiet jintwerew f'din it-taqsima.

  Azzjonijiet u komunikazzjonijiet possibbli

  Azzjonijiet ġenerali	Eżaminazzjoni	Ibdel/aġġorna d-dettalji ta' trademark
  Spezzjoni ta' fajl	Irtirar	Tiġdid
  Applikazzjoni għal azzjonijiet doganali	Limitazzjoni	Trasferiment totali
  Rapport dwar trademarks simili	Estensjoni	Trasferiment parzjali
  	Kontinwazzjoni tal-proċedimenti	Ħatra ta’ rappreżentant
  	Restitutio in integrum	Tħassir tar-rappreżentant
  	Ibgħat l-osservazzjonijiet ta' parti terza	Pretensjoni ta’ preċedenza
  	Ibgħat ċertifikati ta' preċedenza	Talba għal konverżjoni

• Korrispondenza

  Il-korrispondenza kollha relatata ma' trademark tintwera f'tabella. Tista' tfittex oġġett partikolari ta' korrispondenza billi ddaħħal it-test fil-qasam ta' tiftix. It-test li jiddaħħal imbagħad sejjer jitfittex fil-kolonni ta' Proċedura, Numru tal-preżentata, Suġġett u Data.

  Tista' tara jekk il-korrispondenza ntbagħtitx minnek jew mill-EUIPO fil-kolonna 'Minn', fejn is-simbolu jindika l-komunikazzjonijiet mibgħuta mill-EUIPO u l-komunikazzjonijiet mibgħuta mill-utent. PDF tal-korrispondenza jista' jitniżżel billi tikklikkja fuq l-ikona fil-kolonna 'Azzjonijiet'.

• Rappreżentazzjoni grafika

  Rappreżentazzjoni grafika tista' tintwera biss għal disinji u għat-tipi ta' marka li ġejjin: figurattiva, 3D, tal-kulur, tal-ħoss u oħrajn.

• Informazzjoni dwar disinn

  Informazzjoni dwar disinn Komunitarju rreġistrat (RCD) tintwera hawnhekk. Jekk inti is-sid jew ir-rappreżentant tal-fajl u tinsab illoggjat, tista' tibdel in-numru ta' referenza tal-applikazzjoni tiegħek (jiġifieri n-numru tal-applikazzjoni li għażilt, mhux in-numru ta' referenza tal-applikazzjoni uffiċjali li ngħata mill-EUIPO, billi tikklikkja fuq l-ikona tal-pinna blu u ddaħħal l-ID ġdida fil-qasam korrispondenti.)

• Indikazzjoni tal-prodott

  Din it-taqsima turi n-numru tal-klassi ta’ Locarno u l-indikazzjoni tal-prodott assenjata. Tista' tara l-indikazzjoni fil-lingwi uffiċjali kollha tal-Unjoni Ewropea fil-ħin tal-pubblikazzjoni tal-RCD. Sabiex terġa' tmur f'DesignClass, ikklikkja fuq il-link fl-intestatura ta' din it-taqsima.

• Informazzjoni dwar trademark

  Informazzjoni dwar it-trademark tal-Unjoni Ewropea tintwera hawnhekk. Jekk inti s-sid jew ir-rappreżentant tal-fajl u tinsab illoggjat, tista’ tibdel in-numru ta’ referenza tal-applikazzjoni tiegħek (jiġifieri n-numru tal-applikazzjoni li għażilt, mhux in-numru ta’ referenza tal-applikazzjoni uffiċjali tal-EUIPO) billi tikklikkja fuq l-ikona tal-pinna blu u ddaħħal l-ID ġdida fil-kaxxa li tidher. Din il-funzjonalità mhijiex disponibbli għar-Reġistrazzjonijiet Internazzjonali.

  Sir af aktar dwar il-Klassifikazzjoni ta’ Nizza u l-Klassifikazzjoni ta’ Vjenna.

• Dokumenti

  Biex tniżżel dokument, ikklikkja fuq il-logo PDF. Biex tniżżel diversi dokumenti fl-istess ħin, immarka l-kaxex meħtieġa u kklikkja fuq il-buttuna 'Niżżel' li tidher fit-tabella (meta kaxxa tkun immarkata). Tajjeb li tkun taf li inti trid tkun illoggjat biex tkun tista' tniżżel id-dokumenti. Innota wkoll li, meta tniżżel diversi dokumenti fl-istess ħin, dawn jaslulek f'fajl ZIP.