Definizzjoni ta’ trademark
It-trademarks huma sinjali li jintużaw fil-kummerċ biex jiġu identifikati l-prodotti.
It-trademark tiegħek hija s-simbolu li l-klijenti tiegħek jużaw biex jidentifikawk. Din tiddistingwik mill-kompetituri tiegħek. Jekk tirreġistra t-trademark tiegħek, tista’ tipproteġiha u tiżviluppaha.
F’xi pajjiżi, tista’ tkun protett anke jekk it-trademark tiegħek ma tkunx irreġistrata, dment li tkun qed tintuża. Madankollu, aħna nirrakkomandawlek ħafna li tirreġistraha biex tikseb l-aħjar protezzjoni.
L-unika kundizzjoni imposta fuq trademark irreġistrata hija li trid tkun iddefinita b’mod ċar; inkella la inti u lanqas il-kompetituri tiegħek ma jkunu ċerti ta’ dak li tkopri.
Mal-EUIPO inti tista’ tirreġistra
Marka ta’ kelma
Marka ta’ kelma tikkonsisti esklussivament minn kliem jew ittri, numri, karattri tipografiċi standard oħrajn jew taħlita tagħhom li jistgħu jiġu ttajpjati
Ara l-eżempji
Marka figurattiva
Din hija trademark fejn jintużaw karattri, stil jew tqassim, jew karatteristika grafika jew kulur mhux standard, inklużi marki li jikkonsistu esklussivament minn elementi figurattivi
Ara l-eżempji
Marka figurattiva li tinkludi elementi ta’ kliem*
Marka figurattiva li tinkludi taħlita ta’ elementi verbali u figurattivi
Ara l-eżempji
Marka ta’ forma
Marka ta’ forma tikkonsisti minn forma tridimensjonali jew testendi għal din. Din tista’ tinkludi kontenituri, imballaġġ, il-prodott stess jew id-dehra tiegħu.
Ara l-eżempji
Marka ta’ forma li tinkludi elementi ta’ kliem*
Marka ta’ forma li tinkludi elementi verbali.
Ara l-eżempji
Marka taʼ pożizzjoni
Marka ta’ pożizzjoni tikkonsisti mill-mod speċifiku li bih il-marka titqiegħed jew titwaħħal fuq il-prodott.
Ara l-eżempji
Marka ta’ motif
Marka ta’ motif tikkonsisti esklussivament minn sett ta’ elementi li huma ripetuti regolarment.
Ara l-eżempji
Marka ta’ kulur (wieħed)
Marka ta’ kulur wieħed hija sempliċement din – trademark li tikkonsisti esklussivament minn kulur wieħed (mingħajr kontorni).
Ara l-eżempji
Marka ta’ kulur (taħlita)
Trademark li tikkonsisti esklussivament minn taħlita ta’ kuluri (mingħajr kontorni)
Ara l-eżempji
Marka ta’ ħoss
Marka ta’ ħoss tikkonsisti esklussivament minn ħoss jew taħlita ta’ ħsejjes.
Ara l-eżempji
Marka ta’ moviment
Trademark li tikkonsisti minn moviment jew bidla fil-pożizzjoni tal-elementi ta’ marka jew li testendi għal dawn.
Ara l-eżempji
Marka multimedjali
Din tikkonsisti minn taħlita ta’ immaġnijiet u ħsejjes jew testendi għal dawn.
Ara l-eżempji
Marka olografika
Din hija kategorija ġdida ta’ trademark (mill-1 ta’ Ottubru 2017 ‘il quddiem). Marki olografiċi jikkonsistu minn elementi b’karatteristiċi olografiċi.
Ara l-eżempji
*Nota: It-tipi ta’ trademarks immarkati b’asterisk mhumiex kategoriji separati skont ir-Regolament ta’ Implimentazzjoni tal-UE dwar it-trademarks. Madankollu, dawn huma ddifferenzjati fil-preżentazzjoni elettronika għal raġunijiet prattiċi u tekniċi.
Ftit teorija
Il-Proprjetà Intellettwali
Il-ħsieb wara l-proprjetà intelletwali (PI) huwa sempliċi u ilu magħna żmien twil. Kull fejn immorru, ninsabu mdawrin bil-proprjetà intellettwali.
Ħsibijiet u ideat biss mhumiex biżżejjed; il-proprjetà intellettwali tiddefinixxi u tipproteġi l-innovazzjonjiet u l-kreazzjonijiet umani
- It-Trademarks juru l-oriġini tal-prodotti lill-konsumaturi
- Id-Disinji jispeċifikaw kif jidhru l-prodotti
- Id-Drittijiet tal-awtur huma relatati mal-kreazzjonijiet artistiċi, bħall-kotba, il-mużika, il-pitturi, l-iskulturi u l-films
- Il-Privattivi jipproteġu l-invenzjonijiet tekniċi fl-oqsma kollha tat-teknoloġija
Il-proprjetà intellettwali tippremja lill-innovaturi u tippermetti lil kulħadd jibbenefika mill-kisbiet tagħhom.
Niżżel din il-mappa – se tgħinek tirreġistra d-drittijiet tiegħek.
Aktar riżorsi dwar il-PI